利倚平: 食肆既 part time

無論係邊間連鎖食肆既 part time，做得服務性行業，仲要係飲食業，都會有以下幾個特點：

1. 人工永遠同最低工資冇咩分別。（老闆更加覺得去番以前老麥 $22 個鍾就最好啦
2. 做左好耐既老屎忽對你指指點點，搞埋小圈子又點話～（鋪頭既人龍長過萬里長城既時候，佢就係後面行行企企，錄下手機，你就做到 hihi，仲要被佢補多句「你搞掂未啊？」）
3. 老闆永遠是對的。例如一直十指不沾陽春水既佢，心血來潮想整番杯野，即使整錯左俾個客，都冇咩問題。相反，你第一個星期番工就已經要做到「宇宙最強」，一個打十個都只係僅僅合格。
4. 因為係後生仔，所以一定冇專業既工作態度；所以啲杯杯碟碟擺錯位一定係你，所以收少左錢個個一定係你。總知「後生就係矯情」「後生就係犯錯既證據」，所以老闆同你西臉又點。
5. 因為係 part time，所以唔需要俾位你坐，最好你可以好似枝燈柱咁，企足 24 個鍾，慳番鋪頭啲位。 

利倚平《唔該，要杯珍珠奶茶走珍珠！》