寫到今天，有些人讚，亦有更多人彈，所以到現在仍然在學習怎樣面對批評。但掌聲與噓聲之間，如果你問我，做葉朗程有乜嘢感覺，我真係三個字講完：「勁過癮。」每個星期，經歷過的甜酸苦辣，聽說過的謬論趣聞，一切一切，可以透過自己的文字與人分享，仲唔過癮？記得有一次，我在 IFC 的超級市場買薯片，等候付錢的時候，在我前面排着兩個女生。其中一個說：「葉朗程搞大咗 Danielle 個肚呀。」另一個的回答讓我吃驚：「如果我係 Danielle 就好啦。」你話啦，你是排在兩位女士後面的葉朗程，過唔過癮？
曾經身在不同場合，聽到有人提及葉朗程，我也勁有衝動大聲高呼：「我就係啦！」但當然，每一次我都辛苦的忍着，沒有爆出來，因為我每一天都在提醒自己：做葉朗程最過癮的地方，就是因「匿名」而獲得的隨心所欲。好一句隨心所欲，細心想一想，我們今天做人，為口奔馳，有幾多個可以做到真正的隨心所欲？
葉朗程《告白》
No comments:
Post a Comment