假啞港女: 月薪依然係 10K

剛在書展買了孔誥烽的《少年香港》，so far 最大感觸的不是作者對本土派或中港關係的見解，而是當中一篇訪問。孔誥烽在訪問裡說 1995 年畢業時，大學畢業生月薪萬零蚊，現在的U grad 仍然是這個價。然而，1996 年的麥記巨無霸餐是 $24.8，今日？盛惠 $36.8。

一葉知秋，不用對比樓價，單看麥記的價錢，就已經了解香港年輕人 working poor （在職貧窮）的窘局。香港地，搵工唔難，難的是搵份旬工。最近公佈的失業率（4月至6月）是 3.2%，對比沙士時期的 8.6%，現在幾乎全民就業，在這個 fresh grad 湧入就業市場的季節，大學生肯屈就一下，無可能搵唔到份工。要點屈就？朋友手上有 3 個 job offer，其中 2 份要返 5.5 日，有一份連 10k 都不到，另外兩份勉強算有 10k。之前 in 過一份，要求 12k-14k，被對方話係獅子開大口。我懷疑過多 100 年，除了ibanker、律師、醫生和老師，香港的 fresh grad salary 依然係 10K 苦苦掙扎。

 A_tsu_na@假啞港女《無錢不可怕，無工才可怕》