葉朗程: 就是未試過牛肉麵配香檳

Ronald 用一個凌厲的眼神掃過去，然後說：「係喎，唔見誠哥嘅？」癡線，問嚟都多餘，誠哥的級數，一早遠遠超越 Sevva。佢老人家真係鍾意的話，喺自己屋企開間 Sevva 都仲得。

「嘩，好有型。」Ronald 突然說。有乜咁有型？「周小姐飲香檳，但係食中式雲吞。」我有技巧地回頭快望，果然，周小姐喝着香檳，而面前真的有碗雲吞，連牛肉麵都有。葉朗程食遍大江南北，就是未試過牛肉麵配香檳。人一世物一世，立刻各叫一碗。「嘩，癡線㗎。」Ronald 再次大驚小怪起來。又點呀？「190 蚊一碗雲吞，190 蚊一碗牛肉麵？」看一看 menu，真係幾癡線，但難得周小姐喜歡吃的，我都叫得起，就試試吧。

摘自葉朗程《「雄」顏知己》