內地官員誤以為香港媒體環境「惡劣」，人人針對梁振英。但現實上細心諗諗，由電視、電台、官媒到主流報紙，未計左報系統，每日由朝到晚，批評政府嘅聲音有幾多，數來數去就不外乎一報一刊一支咪，從量而言乃一與九之比，但點解政府仍然視傳媒為頭號政治敵人呢？
答案好簡單，有平台冇內容就冇用，今日 IT 產業內容是撒手鐧，同樣政治角力，內容亦係No.1。即使再封多十支咪，政府都唔會認為足夠，冇咗朝早李慧玲，就有新敵人出現，聽聽下連二台林海峰都好似寸寸貢喎，夜晚陶傑又唱衰中共小農DNA，行會內自然有人提出機不可失，借續牌一次過收多兩支咪。我可以保證，就算連潘小濤節目都收埋，特首民望只會更低。
摘自添馬男《政客續命術》
No comments:
Post a Comment