Total Pageviews

Monday, October 7, 2013

葉朗程: Nicole 問得好溫柔,但平時叫佢沖杯咖啡都黑面。

上網搜尋 Carr Cheng,原來是 Angelababy 的御用髮型師。我很無奈,2300 蚊剪個頭髮,為乜?我一陣間係要開會,唔係開演唱會。想起今早 Nicole 那欲言又止的樣子,現在明白了。一路走回公司,一邊後悔自己上了賊船,心裏的矛頭直指 Nicole ,好想罵她一頓,又想不到該罵什麼,就罵她不善理財,搵三萬一個月,剪個頭髮咁貴?有病。
回到 IFC,在升降機大堂遇見 Carina,fixed income 那邊的台灣妹,不算太美,但氣質高貴,聽說其男友是手機公司高層。「Wow Marcus,looking good today。」謝謝你。「真的有點像梁朝偉。」沒有啦,我不是高一點嗎?雖盡力克制內心的興奮,但已感到心坎裏的幾百朵玫瑰,不由自主地綻放起來。
回到公司,衝入洗手間,對着鏡左照右照,七三面和六四面,都真係好似有啲梁朝偉。出來的時候,一見到 Nicole,她就立刻拿出一袋吉野家。「你應該未食飯?」Nicole 問得好溫柔,但平時叫佢沖杯咖啡都黑面。「剪得好好睇呀,有啲似……」唔會係梁朝偉啩。「係呀係呀,真係似梁朝偉呀!」交到戲,我信咗。「你下次都搵阿 Carr 啦。」Nicole 說得語重心長。
摘自葉朗程《髮癲》

No comments:

Post a Comment